ՈՂՋՈՒՅՆ

ԱՐՁԱԳԱՆՔ ԸՆԿԵՐՈՒԹՅՈՒՆՆ իրենից ներկայացնում է երաժշտական, մշակութային, եթերային, գովազդային, տեխնիկական սպասարկման ոլորտներում բարձր պրոֆեսիոնալիզմ ցուցաբերող օղակների մի ամբողջություն:

ԱՐՁԱԳԱՆՔ ՍՏՈՒԴԻԱՆ ստեղծվել է 1990թ.: Հագեցած է արդի պահանջերը բավարարող բոլոր սարքավորումներով, գործիքներով և որ ամենակարևորն է` մասնագետներով: Այստեղ ձայնագրվում է դասական, ժողովրդական, հոգևոր երաժշտություն, ջազ, երգչախմբային կատարումներ, երաժշտություն ներկայացումների, ֆիլմերի համար:

ԱՐՁԱԳԱՆՔ ՇՈՈՒՆ պրոֆեսիոնալ է համերգների, շնորհանդեսների, հանդիսավոր արարողությունների կազմակերպման առումով: Դրանց տեխնիկական սպասարկումն ապահովում է ընկերության մյուս օղակը` ԱՐՁԱԳԱՆՔ ՊՐՈՆ, որը պատվիրատուներին է առաջարկում հեռահաղորդակցության, ձայնային, լուսային և իրազեկման /public address/ սարքավորումներ:

ԱՐՁԱԳԱՆՔ ՊՐՈԴՅՈՒՍԵՐԱԿԱՆ ԿԵՆՏՐՈՆԸ առաջիններից մեկն էր, որ մեր հանրապետություն էր հրավիրում խորհրդային ու արտասահմանյան երգիչների:

ԱՐՁԱԳԱՆՔ FM103.5 ՌԱԴԻՈԿԱՅԱՆՆ ապահովում է ոչ միայն արդի պահանջները բավարարող որակյալ եթեր, այլև ակտիվ արտադրական աշխատանքներ է իրականացնում համաշխարհային բրենդերի գովազդային հոլովակների վերաձայնագրման ու ադապտացման գործում:

Եվ վերջապես, 2005թ.-ին հիմնված ԱՐՁԱԳԱՆՔ ԻՆԹԵՐՆԵՅՇՆԼ օղակը հայ-‎‎ֆրանսիական ասոցիացիա է, որի նպատակն է ներկայացնել հայկական մշակույթը Եվրոպայում, և ընդհակառակը` եվրոպականը, մասնավորապես` ‎ֆրանսիականը, Հայաստանում:

Այսօր ԱՐՁԱԳԱՆՔԸ վերահաստատում է իր դիրքերը նոր իմիջով և նորաոճ, հետաքրքիր ինտերնետային կայքով:

Բարի գալուստ ardzagank.com: